quod fiet diebus 02.-08. Aug. 2009
media in urbe: in aedibus universitariis
Dr.-Karl-Lueger-Ring 1, A-1010 WIEN
>> scheda inscriptionis orientalis (PDF)
|
LATINITATI VIVAE PROVEHENDAE ASSOCIATIO e.V. L. V. P. A. VEREIN ZUR FÖRDERUNG DES Nordstr. 39, D-59174 Kamen, 02307 / 15 6 17 |
L. V. P. A. sodales amicos amicasve LATINITATIS VIVAE invitat, ut una celebremus
SEMINARIVM BIDVANVM XXXIII
DE THOMAE MORI VTOPIA
diebus 16./17. mensis Maii anni 2009 in vico Freckenhorst
Hoc biduum instituemus una cum Athenaeo Rustico (LVHS „Schorlemmer Alst“),
Am Hagen 1, D-48231 Freckenhorst, tel. 02581/9458-0, fax –238;
wagner@bistum-muenster.de
ARGVMENTVM
Et Latinitatem vivam colere et materiae vel auctori cuidam studere L.V.P.A.e biduorum sunt proposita. In tertio tricesimo biduo, docente propraeside nostro Hassone Geißler Coesfeldiensi, humanistae Thomae Mori VTOPIAM opusculum satiricum (anno 1516 p. Chr. n. scriptum) legere volumus. Morus Londinii die 07. Febr. 1478 natus est, die 06. Iul. 1535, a rege morte multatus, anno 57. vitae suae, in Turri Londiniensi decapitatus est. Fuerat ab anno 1528 cancellarius regis Henrici VIII, sed iam paulo post munus deposuit, quod legibus novae ecclesiae Anglicanae a rege institutae assentiri non potuit.
Lectioni nostrae suberit fasciculus ab Hassone praeparatus. Sed poterunt qui nomen dederunt a me electronice iam textum Latinum accipere, de quo maximo auxilio doctori Matthiae Laarmann gratias singulares dicamus oportet. Addidit alios textus lectu scituque dignissimos, quia et in universitate et in gymnasio Vtopiam tractavit.
Sessiones erunt communes, ut una varios textus legamus et Latine explanemus. De tempore Thomae Mori, de genere talium fabularum, quas nos secundum Mori librum “utopias” nominare solemus, de aliis, qui iam antea et per multa saecula post similes fabulas composuerunt, de Mori stilo, quid nobis auxilii ferre possit, aliisque de rebus aliquid audiemus et disputabimus. Qui in praecedente biduo Klimii itinerarium subterraneum legerunt, comparationis causa hunc textum secum ferant.
TEMPORIS DISPOSITIO erit circiter haec:
DIE SATURNI, 16. m. Maii 09: 10h adventus, 10.30h salutatio, 11.00h sessio I introductoria, 12h–12:40h prandium; 14h sessio II, 15h cafea cum placenta, 15:30h sessio III, 17:50h-18:30h cena, 20h conventus ad potiones et iocosa colloquia (nisi alia placent!).
DIE SOLIS, 17. m. Maii 09: 7:45h-9h ientaculum, 9:30h sessio IV, 11h sessio V, 12h-12:40h prandium,
14h sessio VI, 15h cafea/placenta, 15:30 sessio VII finalis, valedictio tardissime 17h.
PRETIVM est 65+5=70 Euronorum (in conclavibus 1 lecti vel 2 lectorum), studentibus 50.
Solvendum erit in computum LVPAe eodem tempore quo nomen dabitur, vel 16. Maio apud moderatricem.
Inga Pessarra-Grimm, Nordstr. 39, D-59174 Kamen, tel./fax 02307/15617; mob. 0173/5113483; inga_pg@gmx.de
Inga L.V.P.A.e sodales amicosque in diem natalem suum septuagesimum invitat!
Carissimi carissimaeque!
Ad vos iam misi (Theodisce - pro dolor!-) invitationem ad concentum in Vetere Curia Verinensi. CONCENTVS fiet a 16. h ad - 18. h. Curia invenitur in Foro ipso, contra deversoria Baumhove et Ickhorn. Cantabunt tres greges:
** Iosephus Meinolfus Opfermann solus et cum choro 12-16 adultorum (ad 30 minutas);
** The Latin Ladies (ad 30 minutas);
** Grex iuvenum ISTA (50 minutas): totum programma.
Hic concentus constabit 3 € discipulis, 5 € adultis. Usque nunc vendidi 6 tesseras, me inclusa 7. Restant 153!!!!! Venite cum discipulis Vestris!
Hodie ad Vos mitto invitationem ad secundam partem vesperi, id est ad Circuli sessionem primam huius anni vicesimi quarti: Cenam in caupona propinqua (Baumhove aut Pianocafé) Vobis offeram, potiones autem, quaeso, ut semper factum est, ipsi solvatis. Spero nobis fore iucunda colloquia, fortasse cantica, parvas allocutiones aliaque gaudia.
Non opus erit, ut de donis cogitetis. Si vultis pro concentu aliquam summulam dare, sufficiet.
Nam erunt musicorum itinera, merces, GEMA, oecus, paginae distribuendae aliaque a L.V.P.A. solvenda.
Quaeso, indicate mihi,
quot tesserae concentui et quot sellae in caupona sint reservandae.
Postquam heri in telephonemate animadverti sodalem optimum quendam nullo modo legisse agenda nostra, Vobis hic repeto:
Fieri potest, ut hic ANNVS LVPANVS sit ultimus huius modi. Mihi seminarium Vindobonense nunc videtur ultimum fore, quod ego instituam. Carpite diem vel melius annum, venite horno! Idem de biduo dicam: Legite Thomae Mori VTOPIAM nobiscum Freckenhorsti diebus 17.-18. m. Maio!
NORBERTus CHRISTIANus THIEL Iuliacensis die 15. Iulio 2008 mediis in indagandi et scribendi muneribus, tamen cancro victus, mortem obiit. Fuit sodalis LVPAe ex primis annis, in elencho nostro historico sub numero 32 inscriptus. Quoties ille nos Latinitate sua eleganti, scientia eximia multis et saepe remotis fontibus innixa, humanitate perchristiana delectavit! Acroases paravit CIRCVLO LVPANO, praesertim de suis itineribus maxime exoticis, docuit per duos dies in BIDVIS, SEMINARIORVM acroases ad eorum thema accurate, circumspecte, doctissime praeparavit. Eius epistulas legere laetitiam afferebet cordi oculis cerebro. Vixit rebus ad se familiamque pertinentibus magna cum energia et singulari navitate: totus fuit Silesius ille qui die 27. Maio 1940 Lignitiae natus erat, totus fuit catholicus neque ad papas duos scribere timuit, totus fuit Latinitatis cultor necnon aliarum linguarum, quarum tantum has rariores indico: linguam Graecam classicam et hodiernam, linguam Polonicam, esperanticam.
Fuit nobis adiutor semper paratus, consiliator optimus, ut brevi dicam: vera columna in agendis nostris. Eius mortem valde lugemus.
Ut videatis, quantam molem litterarum amicus noster composuerit, inspiciatis quaeso sub lemmate quod est "SODALES", eius elenchum litterarium a Norberto ipso feliciter compositum.
