Ut in regione Rhenania-Westfalia CERTAMEN FOEDERALE LATINVM, vulgo BWB sive Bundeswettbewerb Fremdsprachen Latein, proveheretur, etiam L.V.P.A. praemium instituit, quo illi discipuli donarentur, qui in opere suo Latinitate viva optime usi sunt. Praemium - sicuti illa certaminis ipsius et ministerii eruditionis et DAV et Elisabeth-Lebek-Stiftung - publice traditur inter festum a “BWB” institutum. Discipuli a L.V.P.A. non tantum 400 marcas Germanicas accipiunt, sed etiam oratione Latina celebrantur, quam L.V.P.A.e propraeses Inga Pessarra-Grimm habuit et habebit.

Praemium scholis his datum est:

1. anno 1998, Tremoniae gymnasio Mulhemiensi (Mühlheim), cui est nomen “Otto-Pankok-Gymnasium”, (classis: 9a / 10a; magistro Alfredo Sambale ducente); 2. anno 1999, Kempis gymnasio Monasteriensi (Münster), cui est nomen “Paulinum”, (classis: 7 / 10; magistra Barbara Blume ducente); 3. anno 2000, Burae gymnasio Brunwylrensi (Brauweiler), cui est nomen “Abtei-Gymnasium”, (classis: 9a / 9c; magistro Silvano Mertens ducente). 4. anno 2001, Dusseldorpii gymnasio Mindensi (Minden), cui est nomen “Herder-Gymnasium”, (classis: 10a; magistro dr. Johanne-Eckehardo Landwehr ducente)     Discipuli gymnasii Mindensis cum directore (in sinistra parte) et  magistro Latinitatis, Dr. E. Landwehr (in dextera parte), qui omnes legunt illa acta diurna Latina, quae eis praemium LVPAe adduxerunt. In medio praemii testimonium aspici potest. Omnibus dicimus: MACTE VIRTVTE ESTOTE! CVRSVM NOVVM TENETE quam strenuissime! Nolite umquam a meliore via aberrare. Nam hoc optime intellexistis: et linguam Latinam communicationi vivae aptam esse et usum activum multa gaudia inexspectata afferre. Gratias pro imaginibus agimus: nulla ab aliis accepimus! Gratulamur etiam, quod vestra acta diurna in Philologorum Conventu Dresdensi (02. - 06. Apr. 2002) sescentis magistris dabuntur. Potestne Latinitas Viva melius propagari quam a talibus discipulis eorumque magistro? 5. anno 2002, Hammonae gymnasio Burano (Gelsenkirchen - Buer), quod “Annette-von-Droste-Hülshoff” nuncupatur, (classis: 10a/10b/10d; magistro Bernardus J. Kaiser ducente). 6. anno 2003, Duisburgi “PACIS Scholae” (universali = Gesamtschule) Monasteriensi (classis 10) pro emissione televisifica de rebus Romanis ad usum Germanorum Latine et Theodisce edita 7. anno 2004   8. anno 2005, Coloniae gymnasio Wegbergensi, cui est nomen “Maximilian-Kolbe-Gymnasium” (classis 10a, magistra Monika Eisenach ducente) pro fabula televisifica: “Quomodo Iuno Iovi restiterit”